智能多士爐!一早溫暖你的心

2016年10月14日

早餐係一日入面最重要嘅一餐,千遍一律嘅烤多士係咪已經食到悶呢?想搞搞新意思?以下介紹嘅多士爐應該可以幫到你,等你朝朝食早餐個陣都有驚喜!

Toasteroid多士爐唔係一個普通多士爐,佢可以將圖案或者文字印在多士上,只要用藍牙連接電話和Toasteroid多士爐,就可以係App入面自行設計只屬於你嘅多士! 當設計好「作品」之後,就可以設定多士嘅烘燶程度,最後只要將麵包放入呢個多士爐之內,就會見到您自己設計嘅圖案印左上烘出來嘅多士上面啦!

唔止咁呀!呢個多士爐仲同時有同步天氣資訊功能,會係多士上印上當日嘅天氣及溫度。用家仲可以預先設計好提醒事項,例如某日要繳交帳單等,當日烘多士時就會印出相關嘅提示,非常窩心。

咁神奇嘅智能多士爐係咪好想要呢?但大家要留意番,呢個多士爐 2017 年 8 月先正式出貨,價格方面分別為 79美元(普通版)及 65 美元(MINI版)(約 613 及 504 港元)。
等想知多啲或想訂既朋友可以click入以下網址:
獲取更多買樓知識