長知識:買樓雜費一覽

2017年08月08日
以為準備好首期就可以入巿?少年,你太年輕了!香港買樓雜費相當多,除咗首期外,仲要計埋印花稅、律師費、代理佣金、按揭保險、裝修等等,今日就同大家講下買樓有乜野雜費,等大家有個預算易D計數啦!
 
印花稅
如果你係第一次買樓,因為「首置」關係,唔需要比「額外印花稅」,不過都要支付首次置業印花稅,即係俗稱打釐印。
(香港政府一站通網頁已列明印花稅收費:https://goo.gl/7QcYC6
 
律師費
買樓需聘請律師處理買賣物業文件,當中涉及買賣合約、樓契及按揭契等文件,律師費方面一般都係按樓宇新舊程度及呎數計算。如果樓齡高、或者係村屋等涉及地權問題嘅物業,因為律師翻查資料較多,處理嘅法律問題亦較複雜,收費自然較高。另外,律師一般都會協助到土地註冊處進行屋契註冊,呢項費用都會計算入律師費入面,律司費支出大約3,000至10,000元。當然,如果有相熟律師可能有優惠價,就算無都可以問問地產代理睇下有邊位律師推介。
 
按揭保險
六百萬元或以下住宅物業可以透過按揭保險申請借8成按揭,而買四百萬元或以下住宅物業嘅業主若符合有關要求,更可申請借9成按揭,同埋支付相關保費,還款年期愈長及按揭成數愈高,保費自然愈貴。當你申請按揭貸款個陣,大部份銀行都會要求你同時購買「火險」,即樓宇結構保險,保費一般低於投保額的0.15%。
 
代理佣金
買家通常會透過地產代理進行物業買賣,當中自然涉及佣金收費,一般是成交價的1%。
 
除咗首期,仲要計埋咁多雜費,買樓,真係唔可以有任何出錯!所以揀間有保障嘅地產代理真係非常重要!如果話你知,香港都要置業冷靜期,仲有100萬防假業主賠償保障,你又點睇?
 
(用一分鐘睇下你應有嘅買樓保障:https://goo.gl/MFf3sy
獲取更多買樓知識